JC要記

我唔會放棄, 就係咁簡單~
漫無目的遇到你, 簡單的一句問候, 可以好簡單~ 但你唔做唔講, 我可以點呢!

我只希望今年可以完成畢業, 不會比我老闆抄, 呢個course要我洗太多錢啦! 年紀大啦! 亦怕媽媽身體變差~ 唔可以亂洗錢啦! 希望而家至儲唔會太遲~ 但都要過左5月先至有機會了~

posted by JC @ 1:31 AM 0 comments

好耐無寫blog啦~
其實我應該將我地的生活點滴, 我們的開心, 我的痛苦, 好好的寫上; 但對不起, 我做不到, 你令我太.......痛苦, 痛到唔想再講任何野, 我同你永遠不是朋友, 我同你一齊只有痛苦

點解你要咁樣對我, 真係唔明? 愛一個人本來應該可以好開心, 但你只讓我開心半年, 仲記唔記得, 你係張咭上寫了甚麼? 我會等....等一生一世, 都會等....

posted by JC @ 7:52 AM 1 comments

返新工

明明到處找工, 到處踫壁, 找了差不多2個月, 都找不到一份合意的! 想着橫掂無野做, 不如入保險公司看看, 學下保險理財都唔錯! 可能剛出來做事, 已經知道保險的重要性, 十分接受其中的原理, 所以難得有時間, 又去完旅行, 又未有其他選擇, 就找間保險公司看看吧!

學習了2個月, 才發覺這個行業真不簡單, 又可能我的公司比較多產品, 學習打開心窗, 引導客人說出需要就更加困難! 直到現在都沒有這個信心呀! 沒辦法啦!

此外, 上星期又找到一份新工作, 雖然尚未上任, 但由於跟之前的工作十分接近, 相對來說就信心大得多了! 可惜人工不是太滿意, 唯有看看我這個月在這邊有無生存的能力了! 如果真的沒有, 就唯有早走早着! 不過, 我卻十分慶幸我在這裡所學到的, 絕對值得!

posted by JC @ 11:25 PM 0 comments

好開心!

你知道我期待你的出現多久嗎!? 本來以為就這樣孤身走我路, 還計劃着怎樣不用令身邊的人擔心, 所以決定做一份彼大轉變的工作; 但是你卻在這時到來, 緣份... 真是不能估量的東西, 真希望我們的緣份不是暫時的, 而是永恆不息的...

posted by JC @ 3:09 AM 2 comments

完成M3-8! Yeah!

真係懶! 如果唔係阿昌今朝提我, 都唔記得要寫返個Blog!

9月30日下午3點半由北潭坳出發, 約11時才到達沙田坳, 需然頭2段還算可以, 但係一行到條扎山道就好似扎左係道, 對腳啲肌肉突然好似實左, 每行一步都抽一下, 心想唔係要我咁快返屋企嫲! 但係又想, 無理由咁早放棄o計! 今次只可進步, 就算唔能夠完成, 都唔可以行咁少, 咁難睇! 加上Philip黎做督工就更加唔夠膽走!

在獅子亭回氣兼食八寶粥時, 之前在觀音山後見到的(人)車龍突然出現, 最少都有15人以上, 加上有剛在慈雲山上來的行友, 瓢車過來的死飛仔, 令到一個原本應該好寧靜的山頭, 突然好似旺角咁熱鬧!

為免有拮魚蛋的欲望(我真係諗過, 咁多人應該有得做o架), 大家決定早早起行, 但係之前的車龍見我地走, 佢地又跟着走(人走佢又走, 無taste); 一上樓梯竟然遇到有個阿叔一路上, 一路講古, 條樓梯已經窄啦, 仲要聽你講古? 唔係呀? 速速趕過佢地, 一路如入無人之境(幾驚走錯路呀) 差不多去到回帰亭才見阿昌, 阿孔追上來, 但係我又開始腳軟啦!

posted by JC @ 7:55 AM 0 comments

My Blog 久しぶり！

好耐無上黎啦! 竟然發現真係有人回應, 仲有好多係我唔識(有可能識, 但唔知邊個)!

各位朋友, 如果回應, 唔該比的hits話比我知你係邊位呀! 唔好要我估嗎!

黎緊, 我會發表我在這個多月的見聞, 記得繼續收看呀!

今晚, 我又同阿昌行夜山, 將水及食物放在山上, 待明天跟隊友一同享用!

明天要行3-8, 又要通頂了, 唔知我行唔行得掂呢! 真係有啲擔心!

posted by JC @ 4:46 AM 0 comments

8月14日開始 - 四川, 雲南, 西藏, 北京 - 流浪之旅

剛剛買左下星期一的機票到成都, 到後汇合食光斉斉入稻城亞丁去, 跟著沿路經中甸去麗江, 如食光願意或會經滇藏公路入拉薩, 最後, 坐火車去北京找Dorothy, 再回香港!

這個行程, 起碼要一個月才能完成, 希望能夠順風順水, 完滿完成啦!

posted by JC @ 9:53 PM 0 comments